آش واقع / زينب بومسهولي
تداولت الصفحات المختصة بأخبار المشاهير فيديو لليوتيبر المثيرة للجدل صوفيا، ترد فيه عن الخبر المنتشر الذي ينص على أن هذه الأخيرة سرقت خطيب صديقتها المقربة.
وقالت صوفيا “غنجاوب على الاخبار لي تداولات ولي كيقولو بلي شفرت راجل صاحبتي داكشي كامل مامنوش نهائيا وباش تعرفي واحد القضية هذي نقطة بغيت نوضحها ماشي أي واحد تصورت معاه صورة أو جمعاتني به ستوري أو خدمة راه صديقي الناس لي متبعيني عارفين بلي أنا ماعنديش صحابات”.
وأضافت “لالاخبار لي تداولات بلي شي وحدة كتقول على راسها صاحبتي أنا ماعندي حتى شي صاحبتي وثانيا الرجال مكيتشفروش، وراجلي بعيد على هدشي كامل الناس لي متبعيني في القناة عاودت لهم القصة كيفاش حتى عرفتو ومان حب من أول نظرة وانسجمنا بطريقة رهيبة الحمد لله وربي جمعنا فلحلال”.
وردا منها حول موضوع الصداق الذي أثار ضجة قالت:” الصداق ماشي شي حاجة لي تستاهل يتدار عليها ديك الضجة أنا كنت عوالة نقول له يديرني بثمرة، لأن الرسول عليه الصلاة قال أقلهن مهرا أكثرهن بركة ولكن هو بغا يديرني ب 10مليون قلت له الله يسخر”.
وأردفت “10المليون هاذيك غير واحد القيمة كيكبر بك راجلك الناس لي متداولين عليه 5000درهم 10000درهم كل واحد و جيبو كاينين بزاف ديال لبنات مغربيات تبارك الله وكيديرها راجلها ب 50 مليون 60مليون فين المشكل”.
