ٱش واقع – متابعة
لاعبي المنتخب المغربي أغلبهم من الجالية المغربية اللي كبرات خارج المغرب، والأغلبية فيهم عندهم جنسية ثانية ديال الدولة الأوروبية اللي تزادوا وكبروا فيها، وكلهم كان عندهم الحق يلعبو لديك الدول.
فرنسا
بحكم أن فرنسا من الدول اللي فيها أكبر عدد من الجالية المغربية، فماشي غريب تحتل المركز الأول ب8 لاعبين اللي هما: المهدي بنعطية، وخالد بوطيب، وفيصل فجر، وأمين الحارث، ومانويل داكوستا، ورومان سايس، ويونس بلهندة، ويوسف آيت بناصر.
هولندا
هولندا في المركز الثاني بخمسة لاعبين اللي هما: حكيم زياش، ونور الدين امرابط، وسفيان امرابط، وكريم الأحمدي، وامبارك بوصوفة.
إسبانيا وبلجيكا
رغم كثرة عدد المهاجرين المغاربة اللي كاينين فإسبانيا وبلجيكا، إلا أن المواهب الكروية هاد العام منهم غير 3، أشرف حكيمي ومنير كاجوي بزوج من إسبانيا، والمهدي كارسيلا من بلجيكا.
كندا
لولا عودة والديه من كندا إلى الدار البيضاء، لكان ياسين بونو حارسا في الدوري الأمريكي أو الانجليزي.
حارس جيرونا يحمل الجنسية الكندية كذلك لأنه من مواليد كندا.
