المهدي بنسعيد: الكرة النسوية عنوان للفخر بالأمة المغربية
آش واقع تيفي/ زينب بومسهولي
نشر وزير الشباب والثقافة، المهدي بنسعيد تدوينة مطولة، أعرب من خلالها عن فخره بالفريق النسوي للمنتخب المغربي.
وشارك المهدي بنسعيد التدوينة مع متابعيه على صفحته الشخصية بموقع التواصل الاجتماعي “فايسبوك”.
وكتب في تدوينته: “يمكن المنتخب الوطني النسوي يكون خسر فالنتيجة اليوم، ولكن فقلوبنا ونفوسنا غانتذكروا بزاف ديال الانتصارات لي حققوها اللبؤات .. من غير ما هو مادي بحال التأهل لكأس العالم ونهائي الكأس الإفريقية لأول مرة .. لبؤات الأطلس قدروا يأسسوا اليوم لتجربة كروية نسوية غير مسبوقة فالمغرب وفالقارة”.
وتابع قائلا: “الجماهير لي تعبأت وبزاف منها بقى خارج الملعب، الإعلام الوطني لي حضر بكثافة لهاد الكأس ودار تغطية تاريخية، مواقع التواصل الاجتماعي لي عمرات بصور اللاعبات وأهدافهم.. هادي كلها انتصارات غير مادية ولكن التأثير ديالها قوي وكيخلينا نحسوا بالفخر كأمة مغربية حيت عطينا لواحد الرياضة نسوية الانطلاقة الحقيقية ديالها”.
وأردف قائلا: “وهادشي مكانش غادي يتحقق لولا النتائج لي حققوها اللاعبات، لولا المجهود ديال الجامعة الملكية المغربية لكرة القدم ولولا الجمهور الكبير لي اليوم وقبل اليوم حطم جميع الأرقام القياسية ديال الحضور وأبان أن الكرة النسوية ممكن تعرف نفس الاهتمام لي كاتعرفوا كرة القدم للرجال.. مزال خاص الخدمة فالأندية ولكن اليوم بفضل هاد النساء دالمنتخب وضعنا اللبنات الأساسية لتحقيق هاد المبتغى.
واختتم قائلا: “حاجة وحدة يمكن نحسوا بها اليوم كأمة مغربية وهي “الـــفـــخـــر” وهو الإحساس لي انتابني أمام وزراء الدول الإفريقية الشقيقة لي حضروا اليوم وانبهروا بقدرتنا على التنظيم والتعبئة لتظاهرة نسوية بحال هادي!”.
التعليقات مغلقة.